Os membros do Club de Loita A Cambadela de A Estrada, participaron este pasado sábado 1 de Outubro nas festas do barrio de San Pedro en Santiago de Compostela, cunha actividade de Loita Tradicional.

Severino Gómez dirixiu as actividades de Loita Tradicional enmarcadas dentro das festas do barrio de San Pedro, dentro do marco das actividades programadas de UN BARRIO EN FORMA. A difusión de esta modalidade deportiva, ven de lonxe co traballo do Club A Cambadela de A Estrada, mediante un traballo miúdo de recopilación de datos históricos. O taller participativo tivo gran afluencia de público e de participantes pola singularidade do deporte.

Agardamos que teñan mais continuidade este tipo de iniciativas de carácter social, achegando o deporte as rúas!