Éxito sen precedentes na primeira participación do equipo nacional máster nos campionatos do mundo de Loitas Olímpicas celebrados en Walbrzych (Polonia), do 6 o 10 de Outubro.

O deportista e técnico Roberto Estévez Álvarez (Vigo, 1967. Club Ciudad de Vigo) acadou a medalla de ouro na categoría C en 69 kg, sendo esta medalla de ouro a primeira da historia de España na categoría máster. Roberto venceu en primeira rolda a Lorenzo Carieri (ITA) por un contundente 10 – 0, para enfrontarse en segunda rolda a Gheorghe Bistritchi (MDA) por un apertado 3 – 0, acadando de este xeito o pase a final na que venceu o Americano Stephen Horton (EEUU) por 11 – 2 e tocado, acadando así a medalla de ouro.
Por outra banda Miguel Casqueiro (Vigo, 1978. Club Ciudad de Vigo) acadou a medalla de bronce na categoría A en 63 kg. Miguel caeu en primeira rolda ante Donawan Davel (RSA) por un apertado 3 – 0, na segunda rolda enfrontouse a Arthouros Kalpatsanidis (GRE) por 10 – 0 e na rolda final da súa categoría impúxose pola medalla de bronce o Xaponés Kenji Oishi por un apertado 6 – 4.
Pablo Pintos (Vigo, 1978. Club Loita Lugo) finalizou en 8º posición o caer en primeira rolda fronte a Gankhuyag Dorlig (MGL) por 5 – 0 e quedou afastado da repesca o finalizar o loitador de Mongolia en 3ª posición.
Esta é a primeira vez na historia do noso deporte que temos representación no campionato do mundo máster en Loita Libre Olímpica, e tras os resultados obtidos, serán mais os deportistas que podan acudir os próximos mundiais que terán lugar en Bulgaria o vindeiro ano.