Do 19 ó 20 de Febreiro celébrase en San Javier (Murcia), os campionatos de España sénior e cadete de Loitas Olímpicas.

Galicia acude os campionatos de España sénior e cadete con un total de 46 deportistas, 24 na categoría cadete (17 homes e 7 mulleres) e 22 deportistas na categoría absoluta (13 homes e 9 mulleres). O principal obxectivo na categoría sénior, e clasificar o maior número posible de deportistas para o equipo preolímpico nacional, que buscarán praza para Río 2016.

Todos os campións e campioas de España absolutos/as, tras o campionato de España, permanecerán concentrados no CAR (Centro de Alto Rendemento de Madrid), durante dúas semanas, co obxectivo de continuar coa súa preparación para os clasificatorios de Río 2016.

Na categoría cadete, continuamos no período de tecnificación, no que o principal obxectivo é a formación dos mais novos, e introducilos nas competicións internacionais.

Galicia aspira a seguir acadando o 1º posto por seleccións nos campionatos de España por autonomías, pero neste ano 2016, terá mais valor os resultados individuais que abran as portas do circuíto internacional de clasificación Olímpica.