As diferentes seleccións Galegas de Loitas Olímpicas acadaron un moi bo resultado nos campionatos de España, celebrados este pasado sábado 20 de Febreiro na localidade de San Javier (Murcia):

• Selección cadete de Libre Olímpica: CAMPIÓNS DE ESPAÑA.
• Selección cadete de Loita Feminina: SUBCAMPIONA DE ESPAÑA.
• Selección cadete de Loita Grecorromana: 4º clasificados.
• Selección sénior de Libre Olímpica: SUBCAMPIÓNS DE ESPAÑA.
• Selección sénior de Loita Feminina: SUBCAMPIONA DE ESPAÑA.
• Selección sénior de Loita Grecorromana: 8º clasificados.

Boa actuación dos deportistas desprazados ata San Javier (Murcia), para participar nos campionatos de España, sobre todo na categoría cadete. O reparto final das 26 medallas obtidas queda dividido: 8 medallas para as selección sénior (absoluta) e 18 medallas para as seleccións cadetes. Isto danos unha idea do gran traballo de base e a calidade dos nosos deportistas. O seleccionador Galego e responsable da sección de Loitas Olímpicas do CGTD, afirma que “das 8 medallas de ouro acadadas nestes campionatos, 7 son de deportistas becados no CGTD de Pontevedra, o que nos da unha idea da calidade dos nosos deportistas”.

Esta competición foi especialmente dura na categoría sénior, xa que o ser ano de clasificación Olímpica, todos os deportistas acudiron o campionato moi ben preparados. Destacar que tras estes campionatos, temos a 3 deportistas que formarán parte do equipo preolímpico nacional para as seguintes citas do calendario.

Todos os resultados.