Un total de 15 deportistas acuden o Cto. de España SUB-23 de Loitas Olímpicas que terá lugar en Madrid, do 6 ó 7 de Abril. A competición terá lugar o sábado 7 de Abril en xornada de mañá, no pavillón exterior do CSD, dentro do recinto deportivo do CAR de Madrid.

Galicia acude con unha representación de 11 homes e 4 mulleres, para competir nas 3 modalidades Olímpicas postas en liza: Loita Libre Feminina, Loita Libre Olímpica e Loita Grecorromana.

Este campionato de España será decisivo para conformar as 3 seleccións nacionais, que representarán  a España, nas citas continentais e mundiais SUB23, deste ano 2018. Galicia ten varios deportistas campións de España absolutos, que esperan brillar nesta cita SUB23.

O fronte das seleccións estará os 4 técnicos Galegos: Alexander Kachelaev, Marcos Miragaya, Ruben Méndez e Eladio Bello. Tamén viaxará Pablo Pintos Figueroa, neste caso, como seleccionador nacional SUB23, da modalidade de Libre Olímpica.

Destacar que Galicia, acudirá a esta cita con 3 árbitros convocados pola Federación Española, como son: Ángel Amor, Marcos Araujo (Club San Ignacio de Vigo) e Daniel Fernández (Club Kuzushi de Vigo). A maiores participará Jose Manuel Pereira (Club El Castro de Vigo).