O Club de Loitas Olímpicas de Vilalba, organiza do 11 ó 13 de Decembro, as súas Xornadas Internacionais de adestramento. En esta ocasión conta coa presenza do deportista Olímpico FRANCISCO SÁNCHEZ PARRA (Baleares, 1981), para dirixir os adestramentos.

Este tipo de eventos teñen moita aceptación entre os Clubs e deportistas, que buscan actividades de formación de alto nivel técnico. O esforzo económico do Club e dos patrocinadores por sacar adiante este tipo de eventos ten un valor enorme, nesta época de difícil xestión do deporte. O impulsor de esta actividade, Iván Castro (Vilalba, 1977), afirma que sacar adiante esta actividade «é una inversión de futuro, xa que os resultados que se obterán son a medio prazo». Esta actividade está aberta a todos os Clubs e deportistas que desexen participar.