O sparring Ruso, Georgi Nogaev, permanecerá concentrado nas instalacións do CGTD de Pontevedra, adestrando cos deportistas da selección Galega absoluta, que o vindeiro fin de semana, sábado 20 de Febreiro, competirán no cto. de España absoluto de Loitas Olímpicas.

San Javier (Murcia), volve a acoller o campionato de España, onde se decidirán os deportistas que formarán parte da selección nacional que participará nos clasificatorios para os XXOO de Río 2016.

Para garantir a mellor preparación posible, a Federación Galega de Loita a través do programa Río 2016 de axuda os deportistas que están na selección Española absoluta, contactou con Georgi Nogaev, membro da selección Rusa de Loitas Olímpicas nas categorías inferiores. Nogaev é o referente que precisamos para aumentar o nivel dos nosos deportistas de cara a competición mais importante da tempada, o cto. de España que da acceso os torneos de clasificación Olímpica.

Alexander Kachelaev (Moscú, 1946), que é o seleccionador Galego de Loitas Olímpicas, amosase esperanzado por contar con un sparring de nivel para completar estas duras semanas finais de adestramento.