Un total de 250 deportistas, representaron os 14 mellores clubs Galegos clasificados para a Xornada Final da Liga de Deporte Base de Loitas Olímpicas, que tivo lugar este pasado sábado 28 de Maio de 10:30ata as 13:30 horas, no pavillón municipal de Vila de Cruces (Pontevedra).

A competición por equipos mais importante do calendario Galego para os mais pequenos, tivo este pasado sábado 28 de Maio o seu día grande, grazas a organización levada a cabo por parte do Concello da Vila de Cruces, Secretaría Xeral para o Deporte, Club Keltoi de Vila de Cruces e a Federación Galega de Loita e D.A.
O futuro do noso deporte, deuse cita nesta competición por equipos no que prima a inclusión de novos participantes entre os Clubs. Esta cita lúdico-deportiva ten como fundamento o compoñente lúdico e formativo, de este xeito todos os pequenos e as pequenas queren volver a participar ano tras ano.
As categorías de idade postas en liza foron: prebenxamín, benxamín e alevín, tanto en categoría masculina como en categoría feminina.
Esta liga é pioneira a nivel nacional, por que leva 10 anos celebrándose de xeito ininterrompido, cambia o seu formato, pero continua formando novos valores dentro do deporte.
Todos os Clubs traballan arreo para ter deportistas de base, o que garante o seu futuro como entidade. As principais dificultades que atopan os Clubs son os espazos para adestrar a diario.
A implicación de moitas ANPAS, facilita a labor de manter esta estrutura deportiva.
A competición ten un formato moi atractivo para os mais pequenos, xa que resulta dinámica e divertida.

Clasificación final por equipos tras a competición de este pasado sábado da Liga de Deporte Base de Loitas Olímpicas, foi:

1º- Club Ciudad de Vigo.
2º- Escola Ayude de Melide.
3º- Club Keltoi de Vila de Cruces.
4º- Club de Loita Atila de Ourense.
5º- Club El Castro de Vigo.
6º- Club de Loita San Ignacio de Vigo.
7º- Club de Loitas Olímpicas de Vilalba.
8º Club Kuzushi de Vigo.
9º- Club de Loita A Cambadela de A Estrada.
10º- Club Stellae de Santiago de Compostela.
11º- Club de Loita Lugo.
12º- Club de Loita Rábade.
13º- Club de Loita do Morrazo.
14º- Club Hispano Team de Lugo.