A deportista Judit Varela do club Keltoi de Vila de Cruces e becada no CGTD de Pontevedra finalizou en 9ª posición no Campionato do Mundo cadete de Loitas Olímpicas celebrado en Tibilisi (Georgia) do 13 ó 16 de Setembro.

Na súa primeira cita mundialista, a actual 7ª clasificada Europea Judit Varela, venceu a representante Indú (Tina Tina) por un axustado 1-0. En cuartos de final, Judit non puido superar a representante Lituana Aukse Rutkauskaite, cedendo por un axustado 3-4.
Finalmente Judit quedou afastada da repesca pola medalla de bronce o non lograr a representante Lintuana chegar a final.
Destacar a boa actuación da selección nacional feminina cadete coa loita pola medalla de bronce de Raquel Rama (AND) en 70kg, a 5ª praza de Ana Torres (AND) en 43kg, a 21ª posto de Victoria Baez (MAD) en 56 kg e o 9º posto de Judit Varela (GAL).
Sen dúbida temos a mellor selección cadete feminina da historia do noso deporte e Galicia está presente nela.