Galicia acude o campionato de España absoluto de Loitas Olímpicas con un total de 26 representantes: 18 Deportistas, 3 árbitros e 5 técnicos.

A competición terá lugar nas instalacións do CTD Infanta Cristina de San Javier (Murcia) ó 28 de Novembro.

Galicia parte como aspirante o podio nacional nas 3 modalidades olímpicas postas en liza.

Esta competición, seguirá o patrón das anteriores, tendo unhas elevadas medidas de seguridade para todos os participantes. É obrigatorio partir de Galicia, cun TEST NEGATIVO en COVID, pero unha vez cheguemos a San Javier (Murcia), antes da acreditación, teremos que volver a pasar outro test de antíxenos con resutlado NEGATIVO para poder ser acreditados e entrar na burbulla da competición. Os test son para todos os participantes: deportistas, árbitros, técnicos e delegados.

As medidas de seguridade son moi elevadas, os gastos de participación, están acorde as medidas de seguridade establecidas. Galicia e as Loitas Olímpicas a nivel nacional avogan por unha competición moi restrinxida e segura. Facer eventos en esta época, post confinamento, é como un oasis no medio do deserto. Un longo camiño, que percorremos con pasos pequenos e moi seguros.

Os árbitros Galegos convocados son: Marcos Araujo Pereira do Club San Ignacio, Daniel Fernández e Jorge Garrido, ambos do Club Kuzushi de Vigo.

Como técnicos viaxan: Eladio Bello (Club San Ignacio), Marcos Miragaya (Club Loita Pontevedra), Rubén Méndez (Club Keltoi de Vila de Cruces), Sergey Priadun (Club de Loita Vilalba) e Pablo Pintos como responsable da expedición.

Os participantes no campionato Nacional de Loitas Olímpicas son: