Do 5 ó 6 de Febreiro celébrase en San Javier (Murcia), os campionatos de España Sub-23 de Loitas Olímpicas. Este é o primeiro ano que se celebran estes campionatos de España, nunha categoría de idade que da continuidade o traballo dos deportistas da categoría júnior. O obxectivo é acadar varias prazas para o Cto. de Europa Sub-23, que se celebrarán en Russe (Bulgaria) a finais do mes de Marzo.

A selección Galega estará composta en Loita Libre Femenina: 48 kg Sara Vieitez Mariño Club San Ignacio, 58 kg Lidia Pérez Touriño Club Loita Pontevedra, 60 kg Iris Miguelez Club Keltoi de Vila de Cruces e 75 kg Noelia Lalín Canda Club Keltoi de Vila de Cruces.
En Loita Libre Olímpica: 65 kg Omar Martínez Club de Lotia Sabarís, 70 kg Sergio Turkan Club Kuzuhsi de Vigo, 97 kg Damián Iglesias Vilela Club de Loita Touro e 125 kg Ramón Monasterio Portela Club de Loita Vilalba.
Loita Grecorromana: 130 kg Nicolás López Gredilla Club Loita Lugo.

Os árbitros convocados son: Marcos Araujo Pereira (Club San Ignacio) e Jose Manuel Pereira (Club El Castro). Como seleccionadores viaxarán: Alexandre Kachelaev (Adestrador CGTD), Marcos Miragaya e Rubén Méndez Lois. O delegado será Pablo Pintos Figueroa.