O Campionato de España absoluto de Loitas Olímpicas, terá lugar en Murcia os días 9 e 10 de Febreiro de 2018, no Palacio de los Deportes.

Esta cita nacional de primeiro nivel, será o mellor escaparate para ver a evolución dos nosos deportistas. Esta é unha cita que marcará o ano 2018, pois deste campionato sairá a selección para representar a España nos Xogos do Mediterráneo, que terán lugar en Tarragona.

Galicia acude cunha ampla representación en Loita Libre Olímpica (15 participantes) e Loita Feminina (13 participantes), mentres que en Loita Grecorromana só contaremos con 1 inscrito. Asimesmo están acompañados por 5 árbitros e 6 técnicos.

O listado completo dos deportistas Galegos que acudirán o Campionato Nacional nun CLICK.

O novo formato da competición, fará que todos os deportistas teñan que dar o peso de competición o sábado pola mañá, o mesmo día da competición, o que dificulta enormemente a recuperación do peso dos deportistas para poder competir nas mellores condicións.

Por outra banda, unha viaxe tan longa, non axuda a manter o rendemento, pero Galicia buscará ser campioa de España por seleccións, tanto en Loita Libre Olímpica, como en Libre feminina.

Agardemos ter a mellor das sortes!