Como ven sendo habitual durante os últimos anos, a primeira cita do novo calendario é a COPA DEPUTACIÓN DE OURENSE DE LOITAS OLÍMPICAS para as CATEGORIAS BASE, que terá lugar o vindeiro sábado 24 de Setembro no Pavillón Municipal dos Remedios de Ourense en horario de 11:00 a 12:30 horas.

Preto de un cento de deportistas daranse cita na cidade de Ourense para participar nunha xornada lúdica e deportiva, co fin de promocionar o deporte para os mais novos.

A organización da 6ª COPA DEPUTACIÓN está a cargo do Club de Loita Atila de Ourense e da Federación Galega de Loitas Olímpicas e D. A.