Remata a concentración nacional SUB23 de Loitas Olímpicas no CTD Infanta Cristina de Los Alcázares de Murcia, nas modalidades de Loita Libre Olímpica e Loita Grecorromana, levada a cabo dende o 20 ata o 22 de Abril de 2018.

Os deportistas Galegos convocados coa Selección Nacional SUB23 foron: Carlos Yobani García en 65 kg, do Club de Lotas Olímpicas de Vilalba; Rafael Álvarez en 70 kg, do Club de Loita San Ignacio de Vigo e Omar Rodriguez Martínez en 74 kg, do Club de Loita Sabarís de Baiona.

A concentración estivo dirixida polo seleccionador nacional SUB23 de Loita Libre Olímpica, Pablo Pintos Figueroa, que valora de xeito moi positivo a «inclusión de novos valores das categorías júnior na selección nacional SUB23, para garantir a continuidade na formación dos deportistas».

A vindeira cita dos deportistas SUB 23 será no Torneo Internacional de Sassari (Italia) a finais do mes de Maio, e o Gran Premio de España no mes de Xullo de 2018.