CONCENTRACIÓN INTERNACIONAL #TOKIO2020 EN VILALBA
O deportista e técnico do CSK de Crimea (Ukraina), Sergey Priadum, está a traballar durante 2 semanas no Club de Loitas Olímpicas de Vilalba, supervisando a preparación de Jose Cuba Vázquez de cara as citas mais importantes do 2019, así como o resto de competidores da entidade.
Sergey Priadum, traballa co técnico do Club de Loitas Olímpicas de Vilalba, Iván Castro, co firme propósito de garantir a mellor preparación do deportista Chairego para #Tokio2020. O curriculum deportivo de Priadum e extenso, tendo como mellores resultados: 2 veces subcampión de Europa no peso pesado e unha vez, campión do Mundo militar. Representou a Ukrania en 2 Xogos Olímpicos.
A formación internacional de un deportista de alto nivel leva un esforzo persoal e económico moi elevado. Este tipo de actuacións dan os seus froitos pola iniciativa da entidade, os colaboradores e patrocinadores. O Club segue a traballar, coa idea firme de contratar a un técnico internacional de primeiro nivel, sendo Sergey Priadum a primeira e mellor opción. Tamén estivo traballando na entidade Alexis Rodriguez Valera (CUB), pero finalmente a UWW (Federación Internacional de Loita), contratou os seus servizos para o desenrolo das Loitas Olímpicas no continente Africano, onde traballa actualmente.
Sen comentarios