8 deportistas e un técnico acudirán o prestixioso Torneo Internacional Citta Di Sassari (Cerdeña, Italia), que terá lugar do 24 ó 27 de Maio.

A esta cita do calendario internacional, a selección Española convocou a 43 deportistas das categorías júnior, SUB23 e sénior, dos que 8 serán Galegos, o que supón que case 1 de cada 5 deportistas desprazados é da nosa CCAA.

Os deportistas Galegos convocados son:

Na categoría júnior: Nerea Pampín en 62 kg, do Club Keltoi de Vila de Cruces, Carlos Yobanni García en 65 kg, do Club de Loitas Olímpicas de Vilalba, Rafaél Álvarez do Club San Ignacio de Vigo e Omar Rodriguez do Club Sabarís de Baiona, ambos en 70 kg.

Na categoría sénior: Lydia Pérez en 61 kg, do Club de Loita Pontevedra e Noelia LAlín en 68 kg do Club Keltoi de Vila de Cruces. En categoría masculina: Pablo García en 79 kg, do Club de Loita Pontevedra e Damián Iglesias en 86 kg, do Club de Loita Touro.

Como seleccionador nacional acudirá Pablo Pintos Figueroa (Vigo, 1978), o fronte da selección nacional júnior de Loita Libre Olímpica, onde «podemos atopar os novos valores do noso deporte», «nun marco especialmente complicado, neste torneo internacional, con mais de 20 países convidados», afirma o técnico. Esta competición servirá para perfilar as seleccións nacionais que acudirán as seguintes citas do calendario internacional.

Agardemos que teñan a mellor das sortes!