Este vindeiro sábado 22 de Abirl, terá lugar en San Javier (Murcia), os Campionatos de España Universitarios de Loitas Olímpicas, onde estarán representadas as 3 Universidades Galegas.

Temos que poñer en valor a implicación das 3 Universidades Galegas, que estarán presentes nesta cita nacional: A Universidade de Vigo con 4 deportistas e 1 técnico, a Universidade de Santiago de Compostela con 1 técnico e 2 deportistas e a Universidade da Coruña con 1 deportista, conformarán a expedición Galega a San Javier (Murcia).

Nesta cita haberá nomes propios con moito peso a nivel nacional:

A Universidade de Vigo leva o mellor equipo posible para acudir a esta cita: Cristina Alves en 53 kg (actual subcampioa de España júnior), Lydia Pérez en 63 kg (actual campioa de España júnior, sénior e SUB23), Noelia Lalín en 75 kg (actual campioa de España absoluta) e Pablo García en 70 kg (actual subcampión de España absoluto). O fronte de este equipo estará Marcos Miragaya que aspira a igualar a participación do ano anterior da UDV, que acadou o subcampionato de España.

A Universidade de Santiago de Compostela estará representada por Iván González en 70 kg (medallista nacional nas categorías previas a absoluta), David Seijo en 80 kg (Medallista nacional nas categorías previas a absoluta) e co Técnico Rubén Méndez (Seleccionador Galego).

A Universidade da Coruña participará con Adrián Imedio en 62 kg (actual campión de España absoluto de Loita Sambo).

Agardamos que todos eles teñan a mellor das sortes.