4 deportistas Galegos, viaxan do 4 ó 7 de Outubro o Torneo Internacional Henri Deglane de Niza (Francia), de Loitas Olímpicas, coa selección nacional absoluta.

Lydia Pérez Touriño en – 62 kg do Club de Loita Pontevedra e Noelia Lalín Canda en – 68 kg do Club Keltoi de Vila de Cruces, serán as representantes femininas. Pola súa banda Pablo García García en -74 kg do Club de Loita Pontevedra e Damián Iglesias Vilela en – 86 kg do Club de Loita Touro, serán os representantes masculinos.

Este ano o torneo internacional de Niza, será por equipos, mudando o formato dos anos anteriores e adiantando a data da súa celebración. Para os deportistas Galegos, é a primeira actividade desta nova tempada: Lydia Pérez, Noelia Lalín e Pablo García continuan becados no CGTD de Pontevedra, pola súa banda Damián Iglesias está adestrando no CTD Illes Balears de Palma de Mallorca.

Agardemos que teñan a mellor das sortes!