Os Galegos, Pablo García García en -74 kg do Club de Loita Pontevedra e Damián Iglesias Vilela en -86 kg do Club de Loita Touro, foron convocados coa selección nacional absoluta, do 16 ata o 22 de Decembro, para participar na concentración internacional no INSEP de París (Francia).

Esta concentración internacional, ten como principal obxectivo, continuar coa preparación dos deportistas de cara ao vindeiro ano 2020, clasificatorio para os XXOO.

Pablo García, adestra no grupo de rendemento do CGTD de Pontevedra, mentres que Damián Iglesias, fai o propio no CTD Illes Balears de Palma de Mallorca. Ambos apuran as súas opcións para os clasificatorios continentais e mundial do ano 2020, que darán acceso os XXOO de Tokio 2020.

Agardemos que teñan a mellor das sortes.