JOSE CUBA CONVOCADO PARA PARTICIPAR NO TORNEO INTERNACIONAL ZIOLKOWSKI DE POLONIA
O loitador Jose Cuba Vázquez (Club de Loitas Olímpicas de Vilalba), foi convocado pola Federación Española de Luchas Olímpicas para participar do 7 ó 9 de Setembro, o prestixioso Torneo Internacional Ziolkowski, Pytlasinski, Poland Open, que terá lugar na cidade de Varsovia (Polonia).
Jose Cuba Vázquez, competirá na modalidade de Loita Libre Olímpica en – 125 kg, e viaxa xunto con Jónathan Álvarez (CAT) que competirá en – 74 kg. Ambos estarán acompañados por Francisco Barcia como xefe de equipo e serán os unicos representantes Españois nesta competición de primeiro nivel.
Moitos son os países que empregan este torneo como preparación de cara o Cto. do Mundo de Loitas Olímpicas que terá lugar do 20 ó 28 de Outubro en Budapest (HUN). Países como Rusia, levan os seus mellores deportistas a este torneo para decidir o equipo que a representará no mundial, polo que o nivel deste ano 2018, será altísimo.
Agardemos que Jose Cuba teña a mellor das sortes!
Sen comentarios