FEGALOITA » Loita Libre Olímpica

RESULTADOS DO TORNEO INTERNACIONAL HENRI DEGLANE, NIZA (FRANCIA).

Fegaloita — Mon, 18 Jan 2021 12:06:52 +0000

Primeira actividade do ano 2021, para os deportistas Galegos coa selección nacional absoluta. Un dos torneos mais duros, tras a inactividade sobrevida pola crise sanitaria.

Do 15 ó 17 de Xaneiro, tivo lugar o prestixioso torneo internacional Henri Deglane, en Niza (Francia), onde os deportistas Galegos, participaron tras o longo parón provocado pola crise sanitaria da COVID.

Non foi un torneo con bos resultados, pero si que foi un torneo para tratar de recuperar de novo a actividade deportiva de alto nivel.

Os deportistas Galegos convocados pola Federación Española, e os seus resultados foron:

Lydia Pérez do Club de Loita Pontevedra (-62 kg), finalizou en 9º lugar. Lydia Pérez cedeu por puntos ante Luisa Helga (GER) que a postre sería medalla de bronce e na repesca contra Sara da Col (ITA) pola mínima.
Nerea Pampín do Club Keltoi de Vila de Cruces (-68 kg), finalizou en 9º lugar. Nerea cedeu o primeiro combate contra KEndra Dacher (FRA), e na repesca venceu a Nur Gok (TUR) e na seguinte rolda caeu fronte a Asli Demir (TUR).
Damián Iglesias do Club Loita Touro (-86 kg), finalizou en 7º lugar. Damián caeu en primeira rolda fronte a Dato Marshagashvili (GEO), venceu na seguinte rolda a Benjamín Greil (AUT) e caeu fronte a Zahid Valencia (EEUU).
Jose Cuba Vázquez do Club de Loitas Olímpicas de Vilalba (-125 kg), finalizou en 7º posto tras caer en primeira rolda fronte o campión do mundo Geno Petriashsvili (GEO) e na repesca fronte a AShgar Laghari (GER).

A falta de competicións foi un lastre para o equipo Español, que acusou sobremaneira este hándicap. O horizonte dos clasificatorios para Tokio, están a volta da esquina. Os nosos deportistas continúan coa súa preparación.

Agardemos que teñan a mellor das sortes!!!

GALICIA ACUDE AL CTO. DE ESPAÑA POR COMUNIDADES AUTÓNOMAS

Fegaloita — Mon, 11 Nov 2019 10:18:53 +0000

A selección Galega de Loitas Olímpicas, acude o Cto. de España por CCAA, que terá lugar en Madrid o 15 e 16 de Novembro, nas instalacións do Consejo Superior de Deportes de Madrid.

Galicia acude a esta cita nacional para defender a súa condición de CAMPIOA, que acadou no ano 2018.

Durante esta tempada 2019, a selección Galega absoluta, voltou a quedar no primerio posto nacional:

1º- Federación Galega de Loita con 318 pts.

2º- Federación Andaluza de Loita con 296 pts.

3º- Federación Madrileña de Loita con 262 pts.

O equipo que representará a Galicia, nesta competición nacional é:

– Libre Olímpica: Rafaél Alvarez (San Ignacio), Damián Iglesias (Touro) e Arón Ayude (Ayude).

– Libre Feminina: Cristina Alves (Ciudad de Vigo), Lydia Pérez (Pontevedra) e Nerea Pampín (Keltoi).

– Grecorromana: Anxo Uzal (Sabarís), Santiago Sánchez (Keltoi) e Nicolás López (Lugo)

– Árbitros: Ángel Amor e Marcos Araujo.

– Técnicos: Rubén Méndez, Marcos Miragaya e Pablo Pintos.

6 GALEGOS O TORNEO INTERNACIONAL DE NEGREPELISSE (FRA)

Fegaloita — Wed, 16 Oct 2019 11:54:43 +0000

6 Galegos participarán do 18 ó 20 de Outubro, no torneo internacional de Negrepelisse (FRA).

A Federación Galega de Loita e D.A. despraza a Francia, a varios dos deportistas becados no CGTD de Pontevedra, como parte da súa formación, de cara a esta nova tempada. Os deportistas convocados pola Federación Galega de Loita son:

Nerea Iglesias Campos	Ayude	2003	Libre Femenina	73 kg	cadete
Christian Suárez Barros	Sabaris	2002	Libre Olímpica	74 kg	junior
Saul Bello Álvarez	San Ignacio	2003	Libre Olímpica	65 kg	cadete
David González Sil	Sabaris	2002	Libre Olímpica	57 kg	junior
Santiago Sáncghez	Keltoi	Esp	Libre Olímpica	86 kg	junior
Rubén Méndez	Galicia		Técnico

Especial mención recibe, Santiago Sánchez Varela (KEL), convocado pola Selección Nacional júnior, para participar neste evento, como un dos principais referentes do equipo nacional.

O fronte da selección Galega, viaxa o técnico Rubén Méndez Lois (Vila de Cruces), para dirixir os nosos deportistas.

Agardemos que teñan a mellor das sortes!

CONCENTRACIÓN INTERNACIONAL U-23 DA SELECCIÓN NACIONAL

Fegaloita — Tue, 17 Sep 2019 10:55:43 +0000

O Centro de Alto Rendemento (CAR) de Madrid, acollerá do 27 ó 29 de Setembro a concetración internacional para os deportistas U-23 (SUB-23), con opcións de participar no mundial do mes de Outubro.

Os deportistas Galegos convocados polos seleccionadores de Loita Libre Olímpica e Loita Feminina son:

– Feminina: Lydia Pérez -62 kg (Club Loita Pontevedra) e Nerea Pampín -65 kg (Club Keltoi de Vila de Cruces).

– Masculina: Rafael Álvarez -70 kg (Club San Ignacio de Vigo). Temos que lamentar as baixas por lesión dos convocados Carlos Yobani García -65 kg e Ramón Monasterio -97 kg (Ambos do Club de Loita Vilalba).

O fronte da convocatoria e da dirección dos adestramentos, estará o seleccionador nacional U-23 Pablo Pintos Figueroa (Vigo, 1978).

O principal obxectivo de esta concentración é seleccionar os deportistas que representará a España no Campionato do Mundo U-23 que terá lugar a finais de Outubro en Budapest (HUN).

Agardemos que teñan a mellor das sortes!

LYDIA PÉREZ CONCENTRADA PARA O MUNDIAL ABSOLUTO

Fegaloita — Tue, 03 Sep 2019 12:47:52 +0000

A deportista Pontevedresa Lydia Pérez Touriño, do Club de Loita Pontevedra e becada no CGTD de Pontevedra, onde adestra no grupo de rendemento as ordes de Marcos Miragaya, permanecerá concentrada do 4 ó 14 de Setembro na cidade de Nur-Sultán (KAZ), de cara a preparar a súa participación no mundial absoluto de Loitas Olímpicas.

Esta concentración previa o mundial, axudará a Lydia Pérez a aclimatarse de cara a cita mundialista. Primeira oportunidade para clasificarse para os XXOO de Tokio 2020.

As datas para o Mundial absoluto son do 14 ó 22 de Setembro, na mesma cidade de Nur-Sultan (KAZ). A esta cita tamén acudirá o deportista Galego Jose Cuba Vázquez.

A representación Galega no Mundial será a cargo de Lydia Pérez en -62kg e Jose Cuba Vázquez en -125kg.

Pola súa banda, Jose Cuba Vázquez prepara a súa participación no sea club de orixe, Loita Olímpica Vilalba, contando coa presenza do técnico Ukraniano: Sergey Priadum.

Mais info do mundial absoluto na web oficial:

https://unitedworldwrestling.org/event/world-championships-36

3 GALEGOS NO TORNEO INTERNACIONAL ZIOLKOWSKI DE POLONIA

Fegaloita — Tue, 23 Jul 2019 11:53:04 +0000

3 deportistas GALEGOS, foron convocados coas seleccións nacionáis absolutas, para participar no TORNEO INTERNACIONAL ZIOLKOWSKI, e a posterior concentración, que terá lugar en Varsovia (POL), do 1 ó 5 de Agosoto.

Lydia Pérez do Club de Loita Pontevedra participará en -62kg, Nerea Pampín do Keltoi de Vila de Cruces en -65 kg e Damián Iglesias Vilela do Club de Loita Touro en -86 kg, serán os 3 representantes GALEGOS.

Info:

https://unitedworldwrestling.org/event/ziolkowski-pytlasinski-poland-open-1

Esta competición, ten como obxectivo preprar os deportistas de cara os campionatos do mundo júnior, SUB23 e absolutos de Loitas Olímpicas de este ano 2019. Temos que recordar, que o mundial sénior de este ano 2019, xa é clasificatorio para Tokio 2020.

A gran ausencia de esta competición será a de Jose Cuba, convocado tras a sua brillante actuación no Gran Premio de España onde se colgou o bronce tras vencer a Puerto Rico e Canadá, pero que continuará a súa preparación de cara o Mundial no seu Club en Vilalba co Sparring Ukraniano Sergey Priadum.

Agardemos que teñan a mellor das sortes.

5 OUROS, 5 PRATAS E 2 BRONCES PARA GALICIA NA CITA NACIONAL

Fegaloita — Tue, 05 Feb 2019 12:25:36 +0000

As seleccións Galegas SUB23 de Loitas Olímpicas, veñen de acadar uns moi bos resultados na cita nacional, este pasado sábado 2 de Febreiro, en San Agustín de Guadalix (Madrid), onde a selección Galega obtivo un total de 5 Ouros, 5 pratas e 2 bronces.

A selección Galega proclamouse campiona de España en Loita Libre Olímpica e 3ª Clasificada en Loita Femenina.

Destacar as medallas de ouro de Lydia Pérez, do Club de Loita Pontevedra, Nerea Pampín do Club Keltoi de Vila de Cruces, Carlos Yobanni García e Ramón Monasterio do Club de loita Vilalba e Aron Ayude da Escuela Ayude de Santiso.

No apartado de Clubs, destacar o Club Loita Olímpica Vilalba, subcampión de España de Libre Olímpica.

Destacar o traballo dos Colexiados Galegos, que dirixeron como xefes de tapiz, 2 dos 4 tatamis de competición con Ángel Amor e Marcos Araujo a frente dos mesmos. Tamen tiveron unha boa competición os colexiados Daniel Fernández e Jorge Garrido.

Resultados do campionato de España SUB23 aquí.

2 GALEGOS CONVOCADOS COA SELECCIÓN NACIONAL ABSOLUTA NA CONCENTRACIÓN DE PARÍS

Fegaloita — Wed, 19 Dec 2018 09:48:39 +0000

2 deportistas Galegos, convocados coa selección nacional absoluta de Loita Libre Olímpica, para participar na concentración do 16 ó 21 de Decembro no INSEP de París (Francia).

Os deportistas Pablo García García do Club de Loita Pontevedra, e Damián Iglesias Vilela do Club de Loita Touro, participan na concentración internacional de París, de cara a preparar as primeiras actividades do ano 2019.

Pablo García adestra no CGTD de Pontevedra, dentro do grupo de rendemento. Pola súa banda, Damián Iglesias, adestra no CTD Illes Balears de Palma de Mallorca, grazas a colaboración da Federación Balear de Luchas Olímpicas.

Ambos deportistas teñen como obxectivo clasificarse para Tokio 2020!

CONCENTRACIÓN NACIONAL SUB23 E JÚNIOR NO CAR DE MADRID

Fegaloita — Wed, 12 Dec 2018 14:18:26 +0000

Dous Galegos traballan coa selección nacional no Centro de Alto Rendemento de Madrid, na concentración internacional de Loitas Olímpicas.

Do 10 ó 15 de Decembro, Carlos Yobanni García do Club de Loitas Olímpicas de Vilalba, permanece concentrado coa Selección nacional SUB23 de Loitas Olímpicas. A concentración internacional co equipo de Georgia, forma parte da preparación dos deportistas de cara o Torneo Nacional San Blas de Madrid e a concentración internacional no INSEP de París de final de ano.

O fronte da concentración está Pablo Pintos Figueroa, como seleccionador nacional SUB23, que valora de xeito “moi positivo a cantidade de actividades de formación, nas que estamos participando neste fin de ano”; “a nosa prioridade é mobilizar o maior número de deportistas entre concentracións e competicións”.

O bo trabarlo dos Clubs Galegos, e do CGTD de Pontevedra, facilitan a selección dos deportistas Galegos, cos diferentes equipos nacionais.

Pablo Pintos afirma que “nunca tivemos a tantos deportistas Galegos, convocados coas diferentes seleccións Españolas”, o que amosa un elevado nivel nas Loitas Olímpicas en Galicia.

11 DEPORTISTAS GALEGOS ACUDEN A CONCENTRACIÓN JÚNIOR DE LOITAS OLÍMPICAS

Fegaloita — Sun, 25 Nov 2018 10:01:48 +0000

11 deportistas Galegos, acuden a concentración nacional júnior que terá lugar do 27 ó 30 de Novembro no CAR de Madrid.

As deportistas Aimara Osco do Club Ciudad de Vigo, Uxía Brea do Club de Loita Pontevedra e Nerea Iglesias da Escola Ayude de Melide, serán as representantes femeninas.

Os deportistas convocados en Loita Libre Olímpica son: Jesús Gonsalves e Santiago Sánchez do Club Keltoi de Vila de Cruces, Omar Rodríguez, Anxo Uzal e Christian Suárez do Club de Loita Sabarís, Rafael Álvarez do Club San Ignacio de Vigo, Carlos Yobanni García e Samuel García do Club de Loitas Olímpicas Vilalba.

Esta concentración é de formación para as modalidades olímpicas en categoría júnior. Todas e todos os rapaces pertencen o grupo de Tecnificación da Federación Galega de Loita, estando a maior parte de eles becados no CGTD de Pontevedra.