– A selección Galega de Loitas Olímpicas feminina, acadou o bronce nacional por seleccións.

– A selección Galega de Libre masculina, proclamouse campioa de España júnior por autonomías.

– A selección Galega de Loita Grecorromana, escalou ata o 4º posto nacional, pero quedouse fora do podio.

– A selección de Loita Sambo, acadou o posto 8º na clasificación final en categoría sénior.

“Uns moi bos resultados”, é a frase mais repetida entre a expedición Galega. O bo traballo dos Clubs Galegos, en loita libre masculina, con cinco campións nos 10 pesos oficiais, foron o mellor do fin de semana.

Os nomes propios da Loita Libre Olímpica foron: Carlos Yobani García en 65 kg, do Club de Loita Vilalba, Rafaél Álvarez en 70 kg, do Club San Ignacio de Vigo, Omar Rodríguez Martínez en 74 kg, do Club de Loita Sabarís, Daniel Espinosa en 97kg, do Club Ciudad de Vigo, e Aarón Ayude en 125 kg, da Escola Ayude de Melide.

En Loita Grecorromana: Diego Iglesias Cuevas en 130kg, do Club de Lucha El Castro de Vigo, foron os grandes referentes do fin de semana.

En Loita Feminina: o nome propio foi Nerea Pampín Blanco en 62 kg, do Club Keltoi de Vila de Cruces.

As diferentes seleccións Galegas júnior, serán a base do equipo que represente a Galicia no campionato de España SUB23, que terá lugar en Madrid a comezos de Abril.

TODOS OS RESULTADOS AQUÍ

As diferentes seleccións Galegas que participarán na cita nacional en Gijón este vindeiro sábado 10 de Marzo, podedes atopalas AQUÍ.

Galicia acude con un total de 6 árbitros nacionais, a esta cita. Sendo unha das comunidades autónomas con maior representación. O Colexio Galega de Árbitros viaxa con: Miriam García (Club Pontevedra), Ángel Amor (FGL), Marcos Araujo (Club San Ignacio), Jose Manuel Pereira (Club El Castro), Jorge Garrido e Daniel Fernández (Ambos do Club Kuzushi).

Os 22 deportistas competirán en 4 tapices oficiais de 12 x 12 metros, e estarán acompañados por 5 técnicos Galegos. Como en anos anteriores, Galicia aspira a subir o podio nas 3 modalidades Olímpicas que se disputan este fin de semana, así como agarda bos resultados dos 2 deportistas que compiten en Loita Sambo.

Tras esta competición, en menos de 7 días a Federación Galega de Loita, organiza xunto coa Federación Española no Concello de Pontevedra, os Campionatos de España de Deporte en Idade escolar, así como os campionatos de España cadetes de Loitas Olímpicas.

Agardamos manter a sorte en ambas competicións!

Adrián gañou en primeira rolda contra o representante de Nixeria, pero perdeu o pase a seguinte rolda, contra o representante de Bielorrusia, que a postre finalizaría en 3º lugar no seu peso.

Agardamos que teña mais sorte para a vindeira competición!

Este éxito, garante a súa participación no Campionato do Mundo de Loita Sambo que terá lugar do  9 ó 12 de Novembro en Moscú (Rusia). Agardemos que teña a mellor das sortes!

Adrián Imedio, é o actual campión de España da súa categoría de peso, e ten postas as súas miras, no campionato do mundo de sambo, que terá lugar no mes de Novembro. Agardemos que unha boa actuación nesta competición, lle poda abrir as portas do mundial de Sambo.

Adrián, será o único deportista Galego, presente na COPA de Europa de Sambo, polo que estaremos pendientes da súa actuación.

Moita sorte!

O custo da actividade será de 50,00€ para os tres días de seminario ou 30,00€ para cada día de asistencia. Será obrigatorio estar Federados na FGLeDA, así como estar en posesión da correspondente licenza Federativa para poder asistir a este curso de formación.

As inscripcións dos interesados deberán de facerse a través do seguinte mail: info@fegaloita.org ou no tlf: 615766848 (ANTONIO GARCÍA).

Adrián caeu en primeira rolda fronte o representante Armenio, quen disputou a final e abriulle as portas a Adrián da repesca polo bronce. Pero en esta nova fase da competición, caeu pola mínima 1-0, contra o representante Francés, quen o afastou definitivamente da competición.

David Fernández (Asturias), acadou a medalla de bronce na categoría de +100kg. Sendo ambos os únicos representantes da selección nacional en Minsk.

Adrián continuará cos seus adestramentos as ordes de Eduardo Carballeira, preparando as súas vindeiras citas deportivas. A súa xuventude permítelle aspirar a metas mais importantes coa selección nacional.

Por outra banda, Carlos Gómez exerceu como árbitro internacional e Antonio Jiménez como seleccionador nacional.

Os dous deportistas que se forman na Universidade de Coruña, e adestran co grupo de rendemento dirixido por Eduardo Carballeira, participaron no campionato do Mundo de Loita Sambo con pouca sorte.

Zaira Bermúdez, caeu en primeira rolda e quedou afastada da competición. Un primeiro cruce extremadamente complicado hipotecou as opcións da xoven deportista. Por outra banda, Miguel Riopedre, venceu no seu primeiro cruce na competición mundialista, pero cedeu en segunda rolda, o que lle privou da loita polas medallas.

Ambos deportistas quedaron afastados da repesca, o que a postre frustrou as súas opcións de achegarse a zona das medallas.

Cabe destacar, que esta é a primeira vez que ambos deportistas compiten a nivel mundial. Igual sorte correron o resto do equipo nacional, nunha xornda aciaga para os resultados deportivos.

Agora todos, centran a súa preparación de cara os campionatos de España, que terán lugar a principios do ano 2017.

Os dous deportistas que se forman na Universidade de Coruña, e adestran co grupo de rendemento dirixido por Eduardo Carballeira, continúan a senda aberta por Bruno Martínez, quen competiu no mesmo campionato no ano 2014 en Tokio. Dende facía mais de 30 anos, ningún deportista representaba a Galicia nun mundial de Loita Sambo.

Zaira Bermúdez competirá na categoría de 64 kg e Miguel Riopedre fará o propio en 62 kg. Ambos teñen unha dilatada carreira deportiva pese a súa idade, son moi novos, por eso agardamos que teñan unha boa actuación. Este paso histórico no aumento dos participantes nun campionato do mundo, é froito do traballo incansable dos Clubs, adestradores e deportistas que buscan facer historia no noso deporte.

Agardamos que teñan a mellor das sortes!!!