2 GALEGOS NO TORNEO INTERNACIONAL DE SASSARI, EN ITALIA
Os deportistas Galegos: Lydia Pérez Touriño (Club de Loita Pontevedra) e Damián Iglesias Vilela (Club de Loita Touro), participarán do 25 ó 28 de Maio no prestixioso Torneo Internacional de Loitas Olímpicas de Sassari (Cerdeña, Italia).
Este é un novo paso para recuperar parte das actividades a nivel internacional que está levando a Federación Galega de Loitas Olímpicas, para facilitar a formación dos seus deportistas. Esta competición pode levarse a cabo grazas a coordinación e colaboración entre os deportistas, a Federación Galega e a Federación Nacional, xa que está fora do calendario e os gastos sufráganse entre as tres partes. O bo entendemento entre ambas Federacións nos últimos anos, propician este tipo de actividades conxuntas.
A Italia acude un combinado nacional composto por: Loita Libre Olímpica: Rafael Mota (AND), Airán González (CAN), Juan Pablo (MUR), Pablo Díez y Carlos Lomba (BAL), Damián Iglesias (GAL). Loita Grecorromana: Daniel Bobillo, Miguel Lomba e Ismael Navarro (BAL). Loita Feminina: Eugenia Bustabad (VAL), Graciela Sánchez (BAL) e Lydia Pérez (GAL).
Tras esta dura competición, a deportista Galega Lydia Pérez Touriño, permanecerá 5 días na concentración internacional posterior o torneo, co fin de preparar a súa participación no campionato de Europa júnior de Loitas Olímpicas que terá lugar en Dormund (Alemaña) a finais de Xuño.
Sen comentarios