Outro ano mais, continuamos coas actividades de dinamización financiadas pola Deputación de Coruña, para o fomento das loitas olímpicas, dende a base ata as actividades nacionais.

Este ambicioso proxecto, financiado na súa totalide pola Deputación provincial de Coruña, é o eixo vertebrador das nosas actividades. O crecemento dos últimos anos na provincia, así como o espallamento das Loitas Olímpicas, veñen precedidos de este tipo de actividades.

Preto de 1500 alumnos gozarán de novo, este ano, das actividades propostas neste programa. Combinando actividades de iniciación, competición adaptada e actividades de ámbito autonómico e nacional.