PREMIO INTERNACIONAL DE INVESTIGACIÓN
O grupo de traballo creado entre a Universidade de Coruña e a Federación Galega de Loita e D.A. recibe o premio, como mellor póster de investigación no IX Congreso Internacional de la Asociación Española de Ciencias del Deporte, celebrado do 21 – 23 de Abril en Toledo.
O grupo de investigación deportiva, no que traballan de xeito conxunto a Universidade de Coruña e a Federación Galega de Loita e D.A. foi o mais prolífico dos presentados o Congreso Internacional de Toledo. Tanto o Decano da Facultade de CC. Da Actividade Física e o Deporte (Coruña) o Dr. Xurxo Dopico Calvo, como o director do grupo de investigación, o Dr. Eliseo Iglesias Soler, dirixiron neste congreso o meirande éxito académico da nosa historia.
Tras o premio que recaeu no grupo de investigación, da man de Iván Clavel Sanemeterio, tamén obtivemos o recoñecemento como o grupo con maior número de presentacións científicas do congreso.
As investigacións presentadas polos membros da Federación Galega de Loita e D.A. no eido do rendemento deportivo e por outra banda, da financiación pública das Federación Deportivas, obtiveron un éxito unánime da crítica.
O traballo de investigación sobre o rendemento deportivo, tivo como obxecto o análise do grupo de Loitas Olímpicas becados no Centro Galego de Tecnificación Deportiva de Pontevedra. Por outra banda, a base do traballo de financiación pública das Federacións Galegas e Nacionais, tivo por obxecto o seu análise económico dos 10 últimos anos en termos de eficiencia. Os autores de ambas investigacións, Iván Castro Seoane, Nicolás Castro Seoane, Eduardo Carballeria e Pablo Pintos Figueroa, seguen traballando na liña de rendemento deportivo do grupo de investigación da UDC.
Sen comentarios