A deportista NEREA PAMPÍN BLANCO, becada no CENTRO DE ALTO RENDEMENTO DE MADRID, participará do 10 ó 20 de Novembro, na concentración internacional de Loita Feminina, que terá lugar nas instalacións do INSEP de PARÍS.

Esta concentración, forma parte do programa de intercambio de centros que a UNITED WORLD WRESTLING (Federación Internacional de Loita), leva a cabo o longo do ano.

Novo REENCONTRO, entre Nerea Pampín e a deportista Galega LYDIA PÉREZ, que modou de residencia para adestrar no INSEP DE PARÍS durante todo o ano. Agora a deportista Pontevedresa, vive na capital de Francia, nunha nova aposta pola mellora na súa formación.

Ambas deportistas e o resto de integrantes da selección nacional, terán 10 días de convivencia xuntas, para mellorar a súa preparación.

Agardemos que teñan a mellor das sortes!