A deportista Nerea Pampín Blanco do Club Keltoi de Vila de Cruces e becada no CGTD de Pontevedra, acudirá do 17 ó 22 de Maio, o campionato de Europa U23, que terá lugar en Skopje (Makedonia).

A deportista de Vila de Cruces, competirá na categoría de -65 kg, e formará selección con Ana Torres (AND) e María Victoria Baez (MAD), dirixidas pola seleccionadora Antonia Torres.

Esta cita do calendario internacional, ten gran importancia para o noso deporte, xa que é a PRIMEIRA cita continental tras a pandemia. No ano 2020, suspendéronse todas as citas continentais e mundiais, retomando a competición neste 2021, con gran determinación e con férreas medidas de seguridade.

Nerea Pampín, no ano 2019 subiu ata o 7º posto no Europeo júnior celebrado en Pontevedra, agora busca manter o seu nivel internacional, na categoría previa a absoluta, neste ano olímpico.

Poderemos seguir a competición a través de este enlace:

https://uww.org/event/european-championships-24