Hoxe fíxose oficial a convocatoria da deportista JUDIT VARELA (Club de Loita Keltoi de Vila de Cruces) becada no CGTD de Pontevedra as ordes de Alexander Kachelaev e que completa a súa formación no seu club de orixe as ordes de Rubén Méndez, para participar no campionato do mundo cadete que terá lugar do 13 ó 18 de Setembro en Tbilisi (Georgia).

Tras a boa actuación da selección nacional feminina cadete no cto. Continental, clasificáronse de xeito directo para o mundial: Ana Torres (AND), María Victoria Báez (MAD), Judit Varela (GAL) e Raquel Rama (AND).

Judit Varela voltará a participar na categoría de 65kg en loita feminina, categoría na que esta tempada alzouse coa victoria no campionato de España cadete e júnior.

Agardamos que nesta cita mundialista, Judit Varela continúe cos bos resultados obtidos o longo de esta tempada.