4 deportistas Galegas, foron invitadas a Copa do Mundo de Loita Feminina, que terá lugar do 1 ó 3 de Decembro en Chebuskary (Rusia), o norte de Moscú, pero permanecerán concetradas do 25 de Novembro o 6 de Decembro coa selección nacional Rusa. As nosas deportistas estarán acompañadas polo técnico Alexander Kachelaev e polo presidente da FGLeDA, Don Jose Luis Olazabal Ibars.

As deportistas Galegas, que finalmente se desprazarán son Lydia Pérez (Club de Loita Pontevedra), Nerea Pampín e Judit Varela (ambas do Club Keltoi de Vila de Cruces). Lamentablemente por un problema de saúde, a deportista Noelia Lalín (Club Keltoi de Vila de Cruces) NON poderá asistir a esta cita. Pola súa banda Noelia Lalín apura as súas opcións para viaxar o torneo internacional Henry Deglanee de Niza, xa que só supón 3 días de viaxe, algo asumible para o seu estado de saúde. Xa que os médicos desaconsellaron que viaxase mais de 3 días pola infección nunha operación bucal.

Lydia Pérez, viaxará a Rusia en canto aterrice do Mundial SUB 23 que se está disputando en Polonia. Pola sua contra, Nerea Pampçin e Judit Varela, viaxarán directamente dende Galicia, onde adestran. O obxectivo das tres deportistas é preparar a nova tempada, sen perder de vista o campionato de Europa 2019, que se organizará na cidade Galega de Pontevedra.