GALICIA CAMPIOA DE ESPAÑA POR AUTONOMÍAS
A selección Galega de Loita ven de proclamarse campioa de España por Autonomías, no campionato celebrado no pavillón exterior do CSD no CAR de Madrid o sábado 10 de Novembro.
Galicia venceu en primeira rolda de grupo a gran selección de Murcia, e despois a selección de Madrd 2, para clasificarse primeira de grupo. O cruce para chegar a final foi contra a selección Valenciana. E tras vencer todos os enfrontamentos, disputamos a final contra a selección de Madrid 1, a que vencemos por un parcial de 7-2.
Esta competición por equipos, disputada sobre 9 pesos (3 pesos en Libre Olímpica, 3 en Feminina e 3 en Grecorromana), supuxo que se agruparan varios campións e medallistas nacionais en cada categoría.
O alto nivel da competición, así como o atractivo formato por equipos, fixo de este evento un dos mellores campionatos disputados ata o de agora.
Felicitar os deportistas e os seus clubs polo excelente traballo na súa formación, o que serviu para acadar este fito.
Loita Feminina: 53 kg: Cristina Alves do Club Ciudad de Vigo, 62 kg: Lydia Pérez do Club de Loita Pontevedra e en 76 kg: Nerea Pampín do Club de Loita Keltoi de Vila de Cruces.
Loita Libre Olímpica: 65 kg: Rafael Álvarez do Club San Ignacio de Vigo e Jesús Gonsalves do Club Keltoi de Vila de Cruces, en 86 kg: Damián Iglesias do Club de Loita Touro.
Loita Grecorromana: en 87 kg: Martín Vázquez do Club de Loita Rábade e en 130 kg: Nicolás López do Club de Loita Lugo.
Como técnicos asistiron: Alexander Kachelaev, Marcos Miragaya, Rubén Méndez e Pablo Pintos.
Como árbitro, o noso colexiado internacional Marcos Araujo Pereira.
Noraboa a todos e todas!
Sen comentarios