Finalizou con notable éxito a concentración internacional de Loita Feminina organizada pola Federación Internacional de Loita (UWW), no centro Olímpico de Kuortane (Finlandia), na que participaron Nerea Pampín do Club Keltoi de Vila de Cruces e Nerea Iglesias da Escola Ayude de Santiso. Como técnico viaxou Damián Iglesias,que estivo pendente das nosas deportistas.

Tan só viaxaron 2 deportistas por país, sendo nesta actividade as dúas Galegas, o que pon en valor o traballo que se está a levar a cabo en Galicia.

Agradecer a hospitalidade da Federación de Finlandia e a colaboración da Federación Española.

Esperamos poder repetir en próximas ocasións!