FINALIZA A CONCENTRACIÓN INTERNACIONAL DE LOITAS OLÍMPICAS EN MURCIA
Os 9 deportistas Galegos convocados pola Federación Española de Loitas Olímpicas para a concentración internacional no CTD Infanta Cristina de San Javier (Murcia), regresan a casa tras 5 días de concentración internacional, dende o 1 ata o 6 de Maio.
Os 9 deportistas Galegos finalizan hoxe a súa concentración internacional, co obxectivo de clasificarse para os campionatos do mundo e de Europa das categorías cadete e júnior.
O técnico Galego que acompaña e dirixe os deportistas en esta importante concentración, Alexandre Kachelaev, móstrase optimista de cara as próximas convocatorias do equipo nacional cadete e júnior, xa que “o traballo dos deportistas Galegos durante a concentración foi sobresaínte”.
Cabe destacar os deportistas Galegos convocados:
Loita Libre Feminina: Cristina Alves (Club Ciudad de Vigo), Carmen Salgado (Club de Loita Pontevedra), Nerea Pampín e Judit Varela (Ambas do Club Keltoi de Vila de Cruces).
Loita Libre Olímpica: Roberto Díaz, Carlos Yobanni e Yago López (todos do Club de Loitas Olímpicas de Vilalba), Jesús Gonsalves (Club de Loita Keltoi de Vila de Cruces) e Rafael Álvarez (Club San Ignacio de Vigo).
Agora todos os deportistas quedarán pendentes das vindeiras convocatorias nacionais, sendo o próximo obxectivo disputar o Cto. De Europa júnior, do 21 ó 26 de Xuño en Bucarest (Romanía).
Sen comentarios