A Federación Española de Loitas Olímpicas e a Federación Galega, levarán a cabo do 15 o 18 de Novembro, unha concentración nacional para os deportistas da categoría escolar. Nas 3 modalidades Olímpicas: Libre Olímpica, Feminina e Grecorromana.

As instalacións do CGTD de Pontevedra, acollerán os mellores deportistas nacionais. En total, unha expedición de 66 deportistas e técnicos, traballarán durante estes días arreo para mellorar a formación dos nosos deportistas das categorías de deporte base.

Estas actividades, son a mellor forma de facilitar o traballo dos Clubs Galegos, xa que poden asistir a concentración para continuar coa formación dos seus deportistas.

O sábado 18 de Novembro, teremos un torneo triangular no pavillón municipal de Pontevedra, co gallo da concentración, para que os nosos deportistas comecen a tempada competindo na casa, e cos mellores deportistas a nivel nacional.

Agradecer a confianza da FELODA, que continua achegando actividades a Galicia.