O pavillón municipal de Teis en Vigo, acollerá este vindeiro sábado 8 de Febreiro, de 10:00 a 14:00 horas, os campionatos Galegos júnior e escolar de Loitas Olímpicas.

A Federación Galega de Loita en colaboración co Club de Loita San Ignacio de Vigo, organizarán este campionato Galego con un total de 138 inscricións para as categorías júnior e escolar. Este campionato Galego perfilase como un dos mais concorridos dos últimos anos. En total haberá 14 equipos que representan as 4 provincias Galegas neste torneo de máximo nivel autonómico.

A competición desenrolarase en xornada de mañá, dende as 10:00 ata as 14:00 horas, de xeito ininterrompido, sendo a entrada o campionato totalmente gratuíta para os asistentes e curiosos que queiran achegarse.

Este campionato será o primeiro filtro para seleccionar os deportistas que acudirán os campionatos de España representando a Galicia en ambas categorías de idade.

Os seleccionadores Galegos estarán moi pendentes dos resultados dos deportistas para confeccionar as diferentes seleccións Galegas. Cabe destacar o aumento no número de deportistas femininas que compiten nas Loitas Olímpicas, sendo Galicia un referente a nivel nacional nesta modalidade.

Por outra banda o Colexio Galego de Árbitros e Xuíces, que está de noraboa polas últimas convocatorias dos nosos árbitros para participar en eventos internacionais coa selección nacional, dirixirá esta competición que se desenrolará en tres tapices oficiais de 10 x 10 metros.

Por último, agradecer a inestimable colaboración da Secretaría Xeral para o Deporte e o Concello de Vigo, abertos sempre o deporte e que garante que estas competicións podan levarse a cabo.