Moi boa actuación dos deportistas Galegos no Gran Premio de España de Loita e actuación excepcional de Jose Cuba, quen co bronce acadado confirma a súa presenza no primeiro torneo clasificatorio para os XXOO de Río, o campionato do mundo de loita en Las Vegas [EEUU].
Este pasado sábado 11 de Xullo, no Gran Premio de España de Loitas Olímpicas déronse cita 40 países e mais de 500 deportistas, que competiron nas 3 modalidades olímpicas: Loita Libre Olímpica, Loita Feminina e Loita Grecorromana.
Os resultados dos deportistas Galegos desprazados ata Madrid foron:
- Loita Libre Olímpica:
- 3º clasificado: Jose Cuba Vázquez en 125kg [Club de Loitas Olímpicas de Vilalba]
- 9º clasificado: Damián Iglesias en 97kg [Club de Loita Touro]
- Loita Feminina:
- 22º clasificada: Sara Viéitez en 48 kg [Club San Ignacio]
- 9º clasificada: Lidia Pérez Touriño en 60kg [Club de Loita Pontevedra]
- 9º clasificada: Noelia Lalín Canda en 75kg [Club de Loita Keltoi de Vila de Cruces]
- Loita Grecorromana:
- 22º clasificado: Pablo García García en 75kg [Club de Loita Pontevedra]
Todos os deportistas axudaron a que as diferentes seleccións nacionais acadaran os mellores resultados dos últimos anos, nun torneo internacional tan concurrido.
O Colexio Galego de Árbitros e Xuíces estivo representado por Ángel Amor Villar e Marcos Araujo Pereira, ambos colexiados internacionais, nados en Vigo.
Tras este campionato, todos os deportistas Galegos permanecerán concentrados no CAR de Madrid, as ordes de Nicolás Castro [Vilalba, 1976] dende o 12 ata o 24 de Xullo, adestrando con equipos como o de USA, Rusia, Irán, Francia, Japón, Italia….
Sen comentarios