Histórico 7º posto de Judit Varela (Club de Loita Keltoi de Vila de Cruces), no campionato de Europa cadete de Loitas Olímpicas, celebrado en Estocolmo (Suecia)do 17 ó 22 de Xullo.

– 7º posto para Judith Varela (Club Keltoi de Vila de Cruces) en 65 kg Loita Femenina.
– 21º posto para Roberto Díaz Orosa (Club de Loitas Olímpicas de Vilalba) en 54 kg Loita Libre Olímpica.
– 28º posto para Carlos Yobanni García (Club de Loitas Olímpicas de Vilalba) en 58 kg Loita Libre Olímpica.
– 26º posto para Rafael Álvarez (Club San Ignacio de Vigo) en 69 kg Loita Libre Olímpica.

Os 4 deportistas están becados no CGTD de Pontevedra e adestran as ordes de Alexandre Kachelaev, complementando a súa formación cos adestramentos nos seus clubs de orixen.

Judit Varela (Club Keltoi de Vila de Cruces), fixo unha competición extraordinaria dada a dificultade dos cruces na súa competición. Judit Varela venceu por superioridade técnica a Marta Pajula (EST) por 13 – 2. En segunda rolda perdeu contra Tuende Helekes (HUN, que a postre sería a campioa da categoría). Na repesca Judit venceu a Kaderiye Aksoy (TUR) os puntos. Finalmente perdeu o pase a loitar pola medalla de bronce ante Anastasiya Lavrenchuk (UKR).
Pola contra, os deportistas masculinos non tiveron a sorte agardada nesta competición, caendo todos en primeira rolda: Roberto Díaz Orosa (Club de Loitas Olímpicas de Vilalba) en 54 kg Loita Libre Olímpica non puido superar a Felice Matrullo (ITA) os puntos por 3 – 7. Carlos Yobanni García (Club de Loitas Olímpicas de Vilalba) non puido con Zoltan Vilhelm (HUN) os puntos por un . E Rafael Álvarez (Club San Ignacio de Vigo) caeu contra Davit Devorgyan (ARM) por 1 – 11.
Temos que destacar a medalla de bronce obtida por Ana Torres (Andalucía), na categoría de 43 kg.
A Federación nacional ten que valorar a posibilidade de que as deportistas con mellores resultados acudan o campionato do mundo cadete, dados os bos resultados obtidos.