7ª COPA DEPUTACIÓN OURENSE DE LOITAS OLÍMPICAS NAS CATEGORÍAS BASE
Dende a FGLeDA temos un interés especial en que se leven a cabo actividades participativas e competitivas deste deporte en Ourense, pois é moito o que axudan a que se dea a coñecer entre os mozos e mozas da provincia. Axudando a nutrila de novos practicantes cremos que unha escola como a do C.L. Atila e o Club Auriens de Ourense, pode ser a punta de lanza da loita galega nun futuro próximo. Un modelo a seguir polo resto dos deportes e dos clubs.
Por outro lado destacar as facilidades e axuda prestadas dende a Deputación de Ourense, especialmente dende o seu Departamento de Deportes. Son moitas administracións cos que traballamos e poucas nas que as actividades e proxectos proliferen con tanta naturalidade e bo rendemento.
O éxito dunha actividade e dos seus deportistas son o resultado dun conxunto de factores nos que cada un xogamos, para ben ou para mal, un papel relevante. Neste caso, sabemos que os éxitos do Club de Loita Atila e o Club Auriens son dos seus deportistas, teñen na Deputación de Ourense o seu principal elemento vértebrador, e esperamos que nun futuro este deporte saiba darlle resposta a tanto esforzo poñendo á provincia no mapa internacional deste deporte.
Lugar e Data: Pavillón dos REMEDIOS de Ourense, o 21 de Outubro de 2017 de 17:00h a 19:30h.
Participación: 3 Clubs, 50 Deportistas e 4 Adestradores, Xuíces e persoal organizador.
Indirectamente estimamos que cerca de unha centea de pais, nais e acompañantes se achegaron até Ourense para ver a actividade.
Resultados:
- Club Keltoi de Vila de Cruces Club.
- Club Atila de Ourense.
- Club de Loita “El Castro”.
Iniciativas informativas: envío a toda a prensa información sobre a celebración do campionato resaltando a participación da Deputación de Ourense. Pegada de carteis. Tódolos estudantes de primaria recibiron información sobre a celebración do campionato no que figura a colaboración da Deputación de Ourense e do seu Departamento de Deportes.
Sen comentarios