Noelia Lalín (Universidade de Vigo) acada o mellor resultado da selección nacional no campionato do mundo Universitario de Loitas Olímpicas, que tivo lugar na cidade de Corum (Turquía). Pablo García (Universidade de Vigo) finalizou no 9º posto.

A deportista Noelia Lalín (Club Keltoi de Vila de Cruces) acadou o mellor resultado do equipo nacional Universitario no campionato do Mundo, cedendo o bronce fronte a representante Rusa, Kristina Dudaeva, na categoría de 75 kg. Noelia contribuíu a que a selección nacional rematara no 13º posto por equipos.
Pola súa banda, Pablo García García (Club de Loita Pontevedra), tivo un cruce moi complicado, polo que se veu relegado o 9º posto final neste campionato do mundo Universitario na categoría de 70kg. A Selección masculina rematou no 17º posto por equipos.
A preparación de ambos deportistas continua nesta nova tempada. No caso de Noelia Lalín está convocada coa selección nacional absoluta de Loita Feminina para participar no Campionato do Mediterráneo que terá lugar en Madrid do 18 ó 20 de Novembro.