28º TROFEO NACIONAL DE LOITA CLUB KUZUSHI DE VIGO
O Club Kuzushi de Loitas Olímpicas, afincado en Vigo, e dirixido polo deportista Olímpico, Alfredo Marcuño Martínez, organizará o vindeiro sábado 28 de Abril, o seu Trofeo Nacional de Loitas Olímpicas.
Outro ano mais, o Club de Loitas Olímpicas Kuzushi de Vigo, volve a primeira liña de traballo, da man do seu Trofeo para todas as categoría de idade. A competición levarase a cabo en dous tapices oficiais de Loita, sendo un de 10×10 mts para as catogorias de maior idade e outro de 6×6 mts, para os mais pequenos.
Este Trofeo, está pensado para a promoción e difusión das Loitas Olímpicas en todos os grupos de idade. Alfredo Marcuño, Alfredo Masciopinto, Miguel Masciopinto e os árbitros nacionais Daniel Fernández e Jorge Garrido, son as cabezas visibles desta institución da cidade Olívica que continua traballando arreo na súa sede no Centro Cultural Pardavila para promocionar as Loitas Olímpicas.
Agardamos que sexa un éxito de participación.
Sen comentarios