A deportista de Pontevedra, Lydia Pérez Touriño (Club de Loita Pontevedra, 59 kg), finaliza no 16º posto no Cto. de Europa júnior, celebrado en Bucarest (Romanía) do 22 ó 26 de Xuño.

Non tivo sorte a selección nacional júnior desprazada o Cto. de Europa júnior de Loitas Olímpicas. Nin os Loitadores de Libre Olímpica, nin a representante de Loita Feminina, Lydia Pérez, brillaron na cita continental.

Lydia Pérez caeu en oitavos de final ante a representante de Alemaña Viviane Bettina, que a alonxou da loita polas preseas.

Agora o seguinte obxectivo é a convocatoria coa selección nacional absoluta, para participar no Torneo Internacional Gran Premio de España do 8 ó 10 de Xullo en Madrid.